جلاش باللحمه المفرومة طري ولذيذ / وطنى نيوز

كتبت /شمس فتحي

 

صينية الجلاش باللحمة المفرومة تنفع لكل وقت وتشرف على أي سفرة ومفيش حد مش بيحبها هتطلعي أحلى صينية جلاش باللحمة المفرومة

المكونات:

1 لفة رقائق جلاش

كوب ونصف من السمنة المذابة

بيضة

كوب حليب

ملح وفلفل حسب التذوق

للحشو:نصف كيلو من اللحمة المفرومة (عصاج)

الطريقة:

- ندهن صينية بمسحة خفيفة من السمنة ونستخدم نص كمية الجلاش ونراعي إننا ندهن بالسمنةما بين كل طبقة جلاش والتانية

- نحط اللحمة العصاج فوق النص الأول من الجلاش

- نحط النص التاني من الجلاش بنفس الطريقة اللي عملناها في الجزء الأول

- نقطع صينية الجلاش بالشكل اللي نحبه وندخلها في فرن متوسط الحرارة

- نجهز كوباية حليب مخلوطة مع بيضة مضروبة وملح وفلفل أسود

- بعد 10 دقايق نطلع الصينية ونضيف عليها كوباية الحليب

- بعد 20 دقيقة نطلع صينية الجلاش من الفرن ونغطيها كويس علشان متنشفش

وأخيرًا قدميها في أطباق لأسرتك وبألف هنا