احلي سمك فليه بيتي بقلم .. شمس فتحي / وطنى نيوز

 

كتبت/شمس فتحي 

السمك من أهم الأكلات اللي لازم تبقى موجودة على سفرتك أسبوعيًا، لأنها بتزود التركيز وغنية بالكالسيوم والحديد والزنك واوميجا 3

و السمك الفليه المقلي وجبه لذيذة وسهله ومحببه حتي ممن لا يهوون الاسماك اليكي طريقه لذيذة وسهله مثل المطاعم واطعم من صنعك

المقادير

زيت للقلي

كيلو سمك فيليه

للتتبيلة:

ملعقة صغيرة من ( الملح – الكمون – الفلفل الأسود – الخل) 

2 فص ثوم مفروم

عصير ليمونة

لخلطة القلي:

كوب كبير دقيق

2 ملعقة نشا

ملعقة صغيرة من ( بيكنج باودر – كمون – كزبرة ناشفة – ملح – فلفل أسود)

الطريقة:

الخطوة ١: حطي الفيليه في بولة معاه كل مكونات التتبيلة واخلطيهم ببعض كويس وسيبيه لمدة نص ساعة على الأقل.

الخطوة ٢: ضيفي خليط القلي في بولة تانية واخلطي كل المكونات مع بعض كويس.

الخطوة ٣:  طلعي الفيليه من التتبيلة وحطيه في خليط القلي 

الخطوة ٤: سخني زيت القلي على نار متوسطة وحمري فيه الفيليه لحد ما ياخد اللون الدهبي.

التقديم: طلعيه من الطاسة على مناديل مطبخ وقدميه مع الرز الصيادية والسلطة