بالصور: منطقه كوم الدكه / وطنى نيوز

كتبت مديحه الرشيدى
 
منطقه مشهوره جدا ومهمه جدا في اسكندريه منطقه كوم الدكه المنطقه دي بتعتبر مركز اسكندريه بناءا على تخطيط الإسكندر الأكبر اللي هو التخطيط الهيبودامي او تخطيط رقعه الشطرنج ما هو التخطيط ده التخطيط ده عباره عن شارعين متقاطعين بينتج عن التقاطع ده ميدان او مركز في النص اهو المركز ده بقى هو منطقه كوم الدكه طب الشارعين دول فين :بيقال ان الشارع الطولي هو شارع النبي دانيال وهنعرف مين النبي دانيال والشارع العرضي هو شارع فؤاد اكتشفوا المنطقه دي او المنطقه دي بتتكون من ايه في سنه ١٩٦٠ جات البعثه البولنديه مصر من اجل البحث عن مقبره الاسكندر الأكبر اللي لسه محدش يعرف مكانها لحد الان والحفريات فضلت ٣٠ سنه في المكان ده المهم جت البعثه دي ولقوا زي مجموعه تراب او رمال متجمعه في منطقه ففكروا ان ممكن يكون تحت الرمال دي المقبره وبالفعل بدأو يحفروا لحد ما ظهر من الحفر دكه ايوه هو ده سبب التسميه بكوم الدكه كملوا حفر لحد ماعثروا على المسرح الروماني المسرح الروماني؟ اها المسرح الروماني وهو بيتكون من ١٣ صف من الدكك او المقاعد مترتبه من تحت لفوق بحروف يونانيه(α/β/γ/δ/....) لتسهيل الجلوس للمتفرجين وبتكون المقاعد دي على شكل حدوه حصان او حرف "u" وطبعاا فالنص بيكون في الاوركيسترا او الاورخيسترا باليوناني طيب وبعد ما عثرو علىالمسرح اليوناني كملوا حفر ولقوا كمان قاعات للدروس وده كان سنه ٢٠٠٤ وبالتعاون مع جامعه اسكندريه
وكمان قد عثرو على حمامات عامه وفي أماكن لافران التسخين كمان يعني حمامات كامله طبعا مع وجود الصهاريج
هذا بالاصافه الى ابعثور على بقايا بسيطه جدا جدا من منازل ويكاد تكون البقايا دي منعدمه هو مجرد بس حجر الأساس اللي موجود أو تخطيط المنزل بس في الأرض
وعثرو على فيلا الطيور او فيلا الموزايك في الحقيقه هو كان في اكتر من فيلا بتعود للعصر الروماني المبكر لكن طبعاا مع مرور الزمن اتبقي فيلا واحده ويرجع التسميه بفيلا الطيور بسبب وجود موزايك او فوسيفساء عليه رسومات طيور ومن المشهور جدا في فيلا الطيور فوسيفساء عليها شكل يشبه الصليب ولكنه مش صليب هو مجرد شكل زخرفي لان في الوقت ده كانت لسه المسيحيه منتشرتش اصلا. وبكده نقدر نستنتج ان المكان ده كان شبه مدينه صغيره بسبب الحاجات الموجوده فيه من منازل وحمامات عامه وقاعات درس وفيلل ومسرح كمان وطبعاا المكان ده اتبنى بالكامل في العصر الروماني ولكن غير واضح في سنه كام من أهم الأماكن ايضا في منطقه كوم الدكه هو مسجد النبي دانيال.