تعامل مع الحياة كالص يسرق لحظات السعادة ولا تجعل الحياه تسرقها / وطنى نيوز

كتبت:-تقي الشريف ابراهيم
المنسق العام اتحاد طلاب تحيا مصر محافظة الشرقيه

انتشل نفسك من قاع الدنيا وهمومها فقط بالرضا و سلامة النفس و السعي نحو الأفضل و التميز
هيجي عليك وقت تمر بأزمة شديدة في حياتك هتظهر لك حقيقة أشخاص كتير كنت فاكرهم أوفياء ومخلصين ويطلعوا عكس كده تماما هتلاقي في الوقت ده أشخاص هيتخلوا عنك وأشخاص هينشغلوا بتفاصيل حياتك لمجرد إنهم عايزين يحققوا ذاتهم فيك ويثبتوا وجودهم وقوتهم علي حساب أزمتك وانهم الصح وانت الغلط و انهم احسن منك لانهم مغلطوش زيك وهتلاقي ايضاأشخاص أوفياء ومخلصين كنت مش شايفهم و مهمشهم في حياتك ومعتبرهم امر مسلم به في الوقت ده اعتزل كل الناس السلبية و ابعد عن الناس اللي اذتك ووجعتك ولا تغفر لهم ليس حقدا و كرها ولكن لا تغفر لمن تعمد كسرك يا صديقي واشتغل علي نفسك و طورها واصنع المجد لنفسك وخليك نجمة عالية في السما محدش يقدر يوصلها هتلاقي بعد كده الكل جايين لك يتوددوا لك ويفتخروا قدام اصحابهم بمعرفتهم لك وممكن يقولوا انهم كانوا بيدعموك و يساندوك و انك حبيتهم وفتحت قلبك لهم في يوم من الايام ويفتخروا بحبك لهم لكن ارجوك يا صديقي لا تتوجع ولا تتألم وارحم نفسك و قلبك فلا تفتح قلبك لاي شخص فقلبك جوهرة جميلة وحبك مقدس لا تعطي تلك الجوهرة وذلك الحب المقدس لاشخاص لا يستحقوا لا تكرر الخطأ مرة اخري لا تنخدع بالمظهر و ابحث عن الجوهر والروح فاذا وجدتهما فلن تحتاج لشئ بعدها لانك ستكون وجدت السعادة التي تبحث عنها دائما ...
في مقولة بحبها تذكرها دائما يا صديقي " إذا لم تكن حاضرا اثناء كفاحي فلا أريد وجودك في حياتي عند نجاحي "