كتبت /شمس فتحي
اكلة محبوبة من البيت كله ومبيختلفش عليها اتنين
من الاكلات اللذيذة اليكي طريقه بسيطه ولذيذة
بالارز
المكونات:-
3 ملعقة كبيرة سمنة
جوز حمام
كبد
بصله متوسطة
قوانص الحمام مقطعة
كوب ونص رز
معلقه توابل فراخ
ملح وفلفل
رشه زنجبيل
4 فصوص حبهان (2 في الشوربة و2 في الارز)
قرنفل
4 ورق لورى
1/2 معلقه قرفة
بصله صغيره للشوربة
الطريقة:-
الخطوة الاولي
حاجه هتغسلي الحمام كويس بملح وخل ودقيق.
الخطوة التانيه
هتعملي خلطه الأرز هنجيب حلة ونحط فيها السمنة والبصلة وشوحي مع الكبد والقوانص وزودي التوابل الملح والفلفل والجنزبيل وبهارات الفراخ والقرفة والحبهان والقرنفل وورق اللورى ممكن نحطهم ف شاش او تحطيهم عادى وشيليهم وانتي بتحشي وحطي عليهم نص كوباية مياه وسبيهم يتشربوا ويهدي تبدأي حشو الحمام وتقفليه بخلة وتحشي تحت الجلد وتكوني فاصله الجلد عن اللحم من فوق واللى تحت هتسبيها مقفولة.
الخطوة التالتة
جهزي حلة فيها مياه وورق لورى وحبهان وبصلة مقطعة وملح وفلفل وسبيهم لحد ما تغلى.
هتسلقي الحمام في المياه لمدة نص ساعة او اكتر ف الاول على نار عالية وبعد كده تهدي النارعليه لحد مايستوى.
الخطوة الرابعه
تطلعيه يتصفى من الشوربة وبعد كدة تجيبي طاسة فيها معلقتين سمنة وتشوحي الحمام فيه لحد ما يحمر وبألف هنا وشفا.
تعليقات
إرسال تعليق