بقلم الشاعر / محمد غبن
لو بأيدى أزرع الفرح جناين
وأطمن قلوب الشقيانين
وقتها يغيب الشقي
وحزننا اللي ساكن ف العينبن
يلا نزيح سوا بإيدنا
مرار الوجع ونعيش بإرتياح
راح زمان الغلب ومعدش
هيكون بينا جراح
نحاول شويه شويه
نرجع قلوبنا لجل تعيش البراح
وقتها هتتغير حياتنا
وهندوس ساعتها ع الجراح
كفايه بعاد وهجر وآسيه
عايزين نعود بفطرتنا الربانيه
علشان نكون وقت الشده
متماسكين مش بايعين القضيه
ملناش غير بعض يلا بقي
دا إحنا وحشتنا الحنيه
نلمم بعض قبل ماتدوس
علينا الدنيا الفانيه ديه
وحدتنا في لمتنا وكلامي
مش بقوله سطور محكيه
تعليقات
إرسال تعليق