بقلمى الشاعر/ محمد غبن
شاعر آل غبن
17/9/2020
عارفين لما إتولد الصبي كان
نفسه يبقي حاجه غير الناس
بس الدنيا والحياه مابتديش
كل واحد عنده فكر وإحساس
زي اللي دماغه شغاله لكنه
فقير غير صاحب المال والماس
مبتكتملش أبدا بكل أسف زي
قصتنا طفل يتولد ميلقيش أمه
طيب إزاى حلمه هيتحقق وفى
الأصل ملقاش اللي يشيل همه
مش هي اللي وقت الشدايد
كان بتراعيه وبتشيل عنه
يبقي الطبيعي يموت الحلم
وكإن اتسحب منه كل دمه
ويعيش بقي زي اي حد بس
هيعرف يعيش إزاى وسط وحوش
ناس ماتت جواها الرحمه وأقرب
مايمكن ليه بس إتغيرت الوشوش
ويسيبوه في دنيته حزين
وحيد ومشتاق الحنيه والضمه
ممكن يبقي صيد سهل لآفات
البشر اللي ماعندها رحمه ولا زمه
و بدل ماكان عايش وسط
اهله اصبح مكانه شارع وضلمه
وقتها عاش وكان عناية ربنا
معاه وبعداه عن سلوك المشردين
كانت ملايكة ربنا بترعاه
بأمر إلهي ليكون من الصالحين
والحمد كبر الصبي وهوا
عارف إن ربنا عوضه عن الوالدين
وخصوصا أمه اللي سابته يتيم
لولا عناية ورعاية رب العالمين
لإن أبوه طبعا سابه واتزوج
وعاش لمزاجه ويا ملذاته والحريم
كبر الصبي وثبت نفسه وإتزوج
وراح يزور أبوه لأنه كان بيه رحيم
مشربش من قسوته ساب أموره
لربنا وهوا اللي عنده الحساب
ويوم القيامة هنشوف كل
واحد وهوا بيآخد الكتاب
تعليقات
إرسال تعليق