هو جواز الصالونات وحش ولا ايه / وطنى نيوز

بقلم الإعلامي/ يوحنا عزمي

البنت بتقول: أنا رافضة جواز الصالونات خالص ومع ذلك قبلت إني أقعد مع عريس جاي عن طريق الصالونات و إتقرا فاتحتي و أنا لسه مش حاسه بأي شئ نحيته و لا حاسه إنه الشخص المناسب و برجع أقول لنفسي إني كنت صح لما برفض جواز الصالونات !
التعليق: في حالات كتير فعلًا جواز الصالونات بينتج عنه مقابلة شخصين مختلفين ومش مناسبين لبعض وبيكتشفوا كدة من أول قعدة..
بس ده ميمنعش إن مش كل جواز الصالونات مش حلو
ومينفعش خالص نحدد من فرص إكتشاف صفات وطباع المتقدم للجواز لمجرد رفض لفكرة الصالونات نفسها .
والغلط الحقيقي إنك توافق تقابل حد وإنت عارف قبل ما تقابله إن صفاته المبدئية مش مناسبة ليك .
يعني البنت متكنش بتحب الجسم الرياضي وبتكره التدخين وتقابل واحد تخين بشكل غير مقبول بالنسبه ليها وكمان بيدخن !!
المهم تكون محددة لنفسك صفات معينة أو زي profile كدة يدلك إذا كنتي هتقبلي تشوفي الشخص المتقدم ليكي
و تقعدي معاه و لا لأ !!
وأنت كمان تكون محدد صفات البنت اللي عاوز تكمل حياتك معاها وتكون عامل لنفسك profile علشان تعرف البنت اللي انت هتقابلها مناسبة ليك ولا لا .
اللي عاوز أرسخه ليكم ..!
إن مش مهم بداية التعارف تكون إزاي !!
يعني مش مهم يكون جواز صالونات أو زميل في الشغل أو حتى إبن الجيران ..
المهم اللحظة اللي هتفتحي فيها قلبك، متفتحيش قلبك أو تستعدي حتى غير لما تتأكد إن بروفايل الشخص اللي قدامك على الأقل مقبول لبروفايلك وشخصيتك ومتطلباتك..
لكن إدي لنفسك فرص و إتعرف على نفسك وعلى الناس قدر المستطاع علشان على الأقل تقدر تحدد لنفسك بوضوح هو ايه مواصفات شريك حياتك وإنتي عاوزة ايه منه !!