بقلم عطيه عفيفي
ليه يادنيا
الحزن بيدوم
والفرح بهتان
عايش ف وهم
وف حيره وف نسيان
تايه علي شط
لافيه حبيبي
ولافيه خلان
صعبان عليكي
تشوفي الحب
بين اتنين
والعيشه ف امان
مانا الحيران
مانا التعبان
مانا العاشق
مانا الولهان
مانا اللي حاسس
تملي بالحرمان
بحلم يا دنيا
اشوف الجعان
ف يوم شبعان
اشوف العريان
ف يوم كسيان
بحلم اشوف
الصاحب لصاحبه
واقف معاه مش
سايبه خذيان
بحلم الاقي
الاخ بيعطف
علي اخوه الغلبان
بحلم اشوف
الابن بيرد
لابوه الاحسان
بحلم الاقي
الخير في
كل مكان
بحلم اشوف
الشر مالوش
مابينا مكان
دابكره جاي
معاه النور
هاينورالاكوان
ويشيل ظلام
الليل والجهل
ويعوض الانسان
دا النور من الله
والرحمه من الرحمن
تعليقات
إرسال تعليق