حوار مع البطل فارس احمد سليمان بطل الجمهورية / وطنى نيوز

بقلم/سعيد زكريا السيد

البطل فارس احمد بطل الجمهورية ......يفتح قلبه ويكشف عن أسرار تكشف للمرة الأولى على صفحات وطني نيوز
إبن كفر شبين القناطر يحصل على الميدالية الذهبية
ممكن نتعرف على البطل فارس احمد من قرب
تعرف اللاعب فارس احمد سليمان امين منصور من قرية كفرشبين شبين القناطر محافظة القليوبية
مواليد 20\2\2003 بدات حياتى فى الكاراتية من وانا فى سن سبع سنوات بمدينة شبين القناطر فى مركز شباب كفر الصهبي واتمرنت اول تمرينة مع كابتنى الكبير ووالدى التانى كابتن احمد الشقرى وبعد دخولى فى بطولات متعددة فى الكومتية وقد ضمنى الكابتن احمد الشقرى الى المجموعة الخاصة بالكومتية مع الكابتن الكبير والقدير الكابتن هانى ابو ناصر وهو من احسن مدربين الكاراتية الموجودين حاليا فى المحافظة ثم دخلت اول بطولة قليوبية معة وقد حصلت على المركز الاول فى سن تسع سنوات وهذة البطولة هى التى قد اعطيتنى دافع قوى فى ممارسة الكاراتية
فى أي سن بدأت فى ممارسة هذه اللعب؟
بدأت ممارسة الكاراتية فى سن سبع سنوات وكانت اول تمرينة مع الكابتن الكبير كابتن احمد الشقرى بذل مجهود كبير عشان اوصل للى انا وصلت لية
هل كان هناك معارضة من الأهل لممارسة هذه اللعبة؟
لا بالعكس اهلى هما اللى كانو بيشجعونى دايما ووالدى اكتر حد تعب معاية ودايما بيشجعنى وواقف فى ضهرى ودايما بينصحنى وقبل كل بطولة بيتمرن معاية فى البيت ويخلينى اتمرن علية ودايما بيعاملنى اخ لية مش اب وابنة ودى حاجة كانت بتدينى دافع كبير جدا ودايما والدى بيقف معاية فى كل متش ويشجعنى ودايما بيقولى مفيش حاجة اسمها مستحيل ولما كنت بلعب متش مع منافس اقوى منى كان بيقولى انزل واعمل اللى عليك لازم مدربك يكون مبسوط منك سواء كسبت او مفيش نصيب ليك ووالدتى كانت بتقف معاية وتتعب معاية جدا ودايما بتشجعنى واهلى كلهم بيشجعونى دايما مثل عماتى واولادهم كلهم دايما بيشجعونى وواقفين فى ضهرى انا بشكرهم كلهم وبقولهم انا بحبكم كلكم
من هو صاحب الفضل الاكبر عليك ؟
صاحب الفضل الكبير علية المدربين واصحابي اللى معاية فى التمرين ووالدى واهلى كلهم الكابتن احمد الشقرى والدى التانى دايما بينصحنى وواقف فى ضهرى والكابتن هانى ابو ناصر اللى بيعتبرنى ابن من ابنائة ودايما بينصحنى وبيقولى اذاى اوصل لى حلمى والكابتن احمد عرفة اللى بيعتبرنى ذى اخوة الصغير ودايما بينصحنى والكابتن عبدالله صبحى اللى دايما بيشجعنى وبيعتبرنى اخوة الصغير ودايما بينصحنى
ما تأثير الرياضة على الكابتن فارس ؟
لم تؤثر الرياضة على اى شئ فى حياتى الاجتماعية الرياضة لم تؤثر على حياتى بل بالعكس كنت انظم اوقاتى للمذاكرة وكنت محبوب من المدرسين فى مدرستى وكانو معظم المدرسين بيشجعونى مثل المدرس الاستاذ محمد جمعة والاستاذ وليد جادالله والاستاذ نادر العليمى والاستاذة فاطمة الصفتى الاستاذة اللى بتعتبرنى ابن من ابنائها
كيف يرى البطل فارس مستقبل الرياضة فى مصر؟
الرياضة فى مصر قوية جدا ومصر تتميز بالرياضة وشعب مصر يشجع الرياضة وهذة الرياضة مثل رياضة الكاراتية والسباحة وجميع الرياضيات يجب تشجيعها ليست كرة القدم فقط يجب على الناس تشجيع الالعاب الفردية حيث نزود من الرياضة فى مصر ويرتفع اسم مصر عاليا اكثر مما هو مرتفع وسوف يرتفع اسم مصر عندما نكون يد واحدة وقلب واحد والرياضة اخلاق وروح رياضية وليست خناقات ومشاكل بالروح الرياضية والمنافسة الرياضية سوف نرتقى الى مكانة عالية
لماذا اخترت هذه اللعبة بالذات؟
اخترت هذة اللعبة لان كان احد اصدقائي يلعب لعبة الكاراتية وقد تحدثت مع والدى وقال لى حاضر هشوف مين احسن مدرب فى القليوبية وهوديك وهتكون بطل وانا واثق من الكلام دة وفعلا الكلام دة بيتحقق دلوقتى ولسة ان شاء الله هي
كم ساعة تدرب يوميا؟
انا بتدرب ما بين ساعتان ونصف وثلاث ساعات
من هو مثلك الاعلى في النادي؟
مثلى الاعلى فى الكاراتية الكابتن الكبير كابتن محمد الكتبى الاعب المصرى لاعب منتخب مصر واللى بلمة وبكون مبسوط وانا بكلمة وبيقولى نصايح وانا بتمنالة كل خير وربنا
ما هى رسالتك فى الحياة؟
وماذا عن أمنيتك ؟
هدفى فى الحياة انى افضل محافظ على المركز الاول فى بطولة الجمهورية قطاعات واحقق حلمى وادخل منتخب مصر واجيب بطولات لمصر حلمى انى اكون فى منتخب مصر واشارك فى الاولمبياد وحلمى التانى انى انا اروح منتخب مصر من مركز شباب الصهبي وان شاء الله انا مركز على احلامى السنة دى ان شاء الله وهحقق احلامى ان شاء الله مع الكباتن الكبار كابتن احمد الشقرى وكابتن هانى ابو ناصر وكابتن احمد عرفة وكابتن عبدالله صبحى هو حلم صعب ولازم عشان اوصلة اتعب واشد على نفسي واهم حاجة ثقتى فى ربنا وربنا معاية ان شاء الله
فى الختام رسالة شكر إلى من توجهها ونصيحة للشباب؟
احب اشكر كل من ساعدنى حتى اوصل الى هذة المكانة وهم مدربينى واصحابي ومن اول اصحابي الاعب واخويا الكبير محمد خميس والاعب محمد منصور والاعب عبدالرحمن ولاء والاعب احمد مسعد والاعب محمد الطنانى والاعب محمود اشرف والاعب عمر عبدالجليل والاعب على اشرف والاعب يوسف البصير هما دول ابطال مركز شباب الصهبي والحمدلله تم صعودنا للدورى درجة اولى هذا الموسم وساعتها كنا بنافس بكل قوة وكان عندنا عزيمة وارادة لحد ما صعدنا للدورى درجة اولى كنت انا قائد الفريق وتم صعودنا للدورى درجة اولى
ما هو إحساسك بعد فوزك بالبطولة ؟
احساسي بعد فوزى بكل بطولة احساس ما يتوصفش بالكلام لما تكون خارج من المتش النهائي وكسبان دى فرحة لوحدها بتحس انك محافظ على مكانتك اللى هو المركز الاول والناس كلها مبسوطة من لعبك واحترامك الاول قبل اللعب اهم حاجة فى الرياضة احترام المنافس اللى قدامك مهما يكون سواء ضعيف او قوى الاحترام قبل كل شئ وبالاحترام انت بتكون لاعب كويس
حدثنى عن حياتك واسرتك؟
حياتى واسرتى هما دول اللى وصلونى للى انا فية دلوقتى تشجعيهم لية دايما وواقفين معاية فى كل حاجة ووالدى اللى تعب معاية جدا جدا اللى بيشجعنى وبنجرى مع بعض علطول وبتمرن علية قبل كل بطولة وبقول لوالدى ان شاء الله هحقق حلمى وحلمك السنة دى ان شاء الله
كلمة توجيه نصائح لشباب مصر مجال الرياضة؟
نصيحتى للشباب انهم يمارسو الرياضة لان الرياضة بتخليك تعرف تتعامل مع الناس وتعرف تتخذ قرارات انت واثق منها والرياضة بتخلى عندك عزيمة واصرار وتعرف تتعامل مع الناس البلطجية لو حد اتعرضلك تعرف تتعامل معاة وكلة بعقلك والرياضة اخلاق.