متابعة أحمد عبد الحميد
أكيد معظمنا يعرف أ."سناء" كممثل وشوفنا له أكتر من عمل سواء دراما أو سينما لكن اللي مش كتير يعرفوه إنه كان واحد من أهم رواد المسرح سواء كتمثيل أو كإخراج..
اتولد أ."سناء" فى محافظة أسيوط، ووالده كان راجل أزهري من علماء الأزهر الشريف، وده سبب إنه ينشأ نشأة دينية خصوصاً بعد ما سافروا واستقروا فى القاهرة بين حي الجمالية والحسين..
كان متعلق بالفن من صغره، والتحق بفرقة هواة المسرح فى شارع "عماد الدين"، وبعدها دخل المعهد العالي للفنون المسرحية، ولما اتخرج منه اشتغل مدرس فيه لحد ما بقي معيد وخرّج من تحت إيده فنانين كتير..
موهبته ظهرت فى المسرح اللي أبدع فيه سواء ككمثل أو كمخرج زي ما قولنا.. أخرج مسرحية (دون كيشوت)، وكانت علامة مهمة فى مشواره.. بعدها بدأ يشارك فى السينما، والتليفزيون فى أعمال مهمة زي فيلم (حتى لا يطير الدخان) وفيلم (فوزية البرجوازية)، ومسلسلات زي (الزيني بركات) و(حضرة المتهم أبي)، ومؤخراً شارك فى مسلسلات "ليالينا 80" مع "إياد نصار"، و"صابرين".. وظهر كضيف شرف فى مسلسل "القمر آخر الدنيا" فى رمضان اللي فات..
كانوا بيلقبوه بفيلوس الفن بسبب إجادته للغة العربية بشكل كبير وإشتراكه في أكتر من فيلم تاريخي..
"سناء شافع" فنان قدير، وله بصمة وتاريخ مهمين.. ربنا يرحمه ويغفرله.
تعليقات
إرسال تعليق