بقلم إلاعلامي/ يوحنا عزمي
- ماتقولهاش إلا كلمه "حبيبتي" الكلمه دي سحر مالوش وصف
- ﺻﺒﺢ ﻋﻠﻴﻬﺎ ﻭﻣﺴﻲ ﻋﻠﻴﻬﺎ ﺑﻤﻜﺎﻟﻤﻪ أﻭ ﻣﺴدج ..
- ﻣﺘﺰﻫﻘﺶ ﻣﻦ سؤالها عليك "ﺍﻧﺖ ﻓﻴﻦ ﻭﻣﻊ ﻣﻴﻦ ﻭﻫﺘﺮﻭﺡ ﺍﻣﺘﻲ ﻭﺗﺮﺟﻊ ﺍﻣﺘﻲ " طمنها ﻣﻦ ﻏﻴﺮ ' اووف ' من حبها ليك بتقلق عليك..
ﻭﺍﺳﺄﻟﻬﺎ "ﺍﻧﺘﻲ ﻓﻴﻦ ﻭﻣﻊ ﻣﻴﻦ ﻭازاي ﻭﻟﻴﻪ وامتي "ﻃﺐ ﺭﺟﻌﺘﻲ ﻣﺘﺘﺎﺧﺮﻳﺶ ﻃﺐ ﺧﺪﻱ ﺑﺎﻟﻚ ﻣﻨﻚ كويس ..
أنت الراجل بتاعها مش أبجوره فحياتها ..
قولها اكلتي؟ ﺧﺪﺗﻲ ﺍﻟﺪﻭﺍ ؟ اطمن عليها هي مسؤوله منك ..
- ﺭﻭﺣﻠﻬﺎ ﻓـ ﺍﻟﻤﻜﺎﻥ ﺍﻟﻠﻲ ﻫﻲ ﻣﻮﺟﻮﺩﻩ ﻓﻴﻪ ﻣﻦ ﻏﻴﺮ ﻣﺎ ﺗﻌﺮﻑ
ﻭﻗﻮﻟﻬﺎ ﻛﻨﺖ ﺑﺲ ﻋﺎﻭﺯ ﺍﺷﻮﻓﻚ ﻭأﺳﻠﻢ ﻋﻠﻴﻜﻲ " ﻗﻮﻝ " ﻭﺣﺸﺘﻴﻨﻲ ﻭﻫﺘﻮﺣﺸﻴﻨﻲ ﻛﺘﻴﺮ ومش بتبطلي ولا هاتبطلي توحشيني..
- إمسك ﺍيدﻳﻬﺎ ﻭإنتوا ﺑﺘﻌﺪﻭ ﺍﻟطريق ﺍﺣﻀﻦ ﻛﻔﻬﺎ ﺑـالأااوﻱ حسسها أنها أهم من أي حد فالوجوود..
- إشبك ﺻﻮﺍﺑﻌﻚ ﺑﺼﻮﺍﺑﻌﻬﺎ ﻭﺍﻧﺘﻮ ﻣﺎﺷﻴﻦ خليك حنين
وﺑﻮﺱ إيدها ﻋﻠﻲ ﻏﻔﻠﻪ ﻭإنتوا ﻗﺎﻋﺪﻳﻦ ﺳﻮﺍ ﻫﺘﻼﻗﻴﻬﺎ ﺟﺎﺑﺖ ﺍﻟﻮﺍﻥ ﻣﻦ ﺍﻟﻔﺮﺣﻪ ﻋﺎﺩﻱ ﺟﺪﺍ ﻣﺘﺨﻔﺶ..
- ﻧﺎﺩيلها ﺑـ ﺍﺳﻢ دلع ﻣﻌﻴﻦ يكون ﻟﻴﻬﺎ ﻣﺤﺪﺵ ﻳﻘﻮﻟو ﻏﻴﺮﻙ ﺍنشاله "بطيختي" "زلاااابيتي" بس ﺍﻟﻤﻬﻢ ﻳﺎﺀ الملكيه ﻓـ أخر ﺍلإﺳﻢ ﻭﻫﻲ أﻛﻴﺪ ﻫﺘﺨﺘﺮﻋﻠﻚ ﺍﺳﻢ ﺗﺪﻟﻌﻚ ﺑﻴﻪ ﺯي "حمصتي " ﻣﺜﻼ آه عادي..
- ﻣﺘﺒﺼﺶ ﻫﻨﺎﻙ ﻋﻠﻲ ﺍﻟﺒﺖ ﺩﻱ ﻭﻻ ﻫﻲ ﻣﻌﺎﻙ ﻭﻻ ﻭﺍﻧﺖ ﻟﻮﺣﺪﻙ ﺍﺗﻠﻢ ﻳﺎﺽ تاخدك مصيبه تاخدك وتسيبك عندها لوحدها ..
- ﻫﺎﺗﻠﻬﺎ ﻭﺭﺩ ﻭﺷﻜﻮﻻﺗﻪ ﻭﺷﻴﺒﺴﻲ ومصاصه وكل حاجات العيال الصغيرة حسسها أنها بنوتك أم 4 سنين ونص ﻫﺎﺗﻠﻬﺎ ﻛﻞ ﺍﻟﻠﻲ ﻗﺎﻟﺘﻠﻚ ﻧﻔﺴﻬﺎ ﻓﻴﻪ وسط مكالماتكم ﻭﻧﺴﻴﺘﻪ وأنت مش ناسيه..
- ﻭﺩﻳﻬﺎ ﺍﻣﺎﻛﻦ ﺟﺪﻳﺪﻩ مارحتهاش ولا هاتروحها إلا معاك ﻓﺴﺤﻬﺎ ﻛﺘﻴﺮ ﺩﻱ ﻏﻠﺒﺎﻧﻪ ومستنياك بقالها كتير ..
ﺍﻋﻤﻠﻬﺎ ﻣﻔاجات ﻣﺮﻩ ﻟﻮﺣﺪﻛﻢ ﻭﻣﺮﻩ ﻗﺪﺍﻡ ﺍﻟﻨﺎﺱ حاسسها أنها ملكه ﻭﺍﻋﻤﻠﻬﺎ ﻋﻴﺪ ﻣﻴﻼﺩﻫﺎ ﻭﻫﺘﻼﻫﺎ ﻫﺪﺍﻳﺎ ﺑﻤﻨﺎﺳﺒﻪ ﻭﻣﻦ ﻏﻴﺮ ﻣﻨﺎﺳﺒﻪ مش لازم بــ 1000000 جنيه يا عم بس التقدير حلو ..
- ﺍﻛﺘﺒﻠﻬﺎ ﺟﻮﺍﺏ وحطه فى شنطتها من غير ما تحس
ﺍﻓﺘﻜﺮ ﺗﻮﺍﺭﻳﺨﻜﻢ ﺍﻟﻤﻬﻤﻪ ﺳﻮﺍ ﻭﺍﺣﺘﻔﻞ ﻣﻌاها ﺑﻴﻪ ﺍنشاله ﺑﻤﺴدج ﺍﻭ ﺗﺴﻬﺮ ﻣﻌﻬﺎ ﻋﻠﻲ ﺍﻟﺘﻠﻴﻔﻮﻥ ﻃﻮﻝ ﺍﻟﻠﻴﻞ تدلعها وتحبها تحسسها بنفس حبك زي أول مره..
- ﺍﺗﺼﻮﺭ ﻣﻌﻬﺎ ﻛﺘﻴﺮ ﻣﺘﺴﺒﺶ ﺧﺮﻭﺟﻪ ﻭﻻ ﻣﻘﺎﺑﻠﻪ ﺍﻻ ﻟﻤﺎ ﺗﺴﺠﻠﻬﺎ ﺑـ ﻣﻠﻴﻮﻥ ﺻﻮﺭﻩ ﻭﺣﻂ ﺻﻮﺭﺗﻚ ﺍﻧﺖ
ﻭ ﻫﻲ background ﺍﻟﻤﻮﺑﻴﻞ ﻭﻋﻠﻲ laptop جوه بنطلونك أقولك أعمله تاتووو زي تمر حنه..
ﺍﻋﺮﻑ ﻭﺍﺣﻔﻆ ﻧﺒﺮﺍﺕ ﺻﻮﺗﻬﺎ ﻓـ ﻛﻞ ﺣﺎﻟﻪ ﻣﻦ ﺍﻭﻝ ﻛﻠﻤﺔ
ﻭﺍﺳﻠﻮﺏ ﻭﺿﺤﻜﻪ ﺣﺘﻲ ﻟﻮ ﺻﻔﺮﺍ حس بيها متبقاش لطخ
ﻗﻮﻟﻬﺎ ﻣﺎﻟﻚ ﻛﺘﻴﺮ ﻭﺻﻤﻢ عليها مش مره والسلام ﻣﺘﻘﻮﻟﻬﺎﺵ ﻟﻤﺎ ﺗﻬﺪﻱ ﻧﺘﻜﻠﻢ قولها هافضل معاكي وجنبك لحد ماتهدي خليك انسان ..
- ﺯﻏﺰﻏﻬﺎ بس أوعي توصل للكلي ﻗﻮﻟﻬﺎ ﻧﻜﺘﻪ ﺿﺤﻜﻬﺎ ﺣﺘﻲ ﻟﻮ ﻣﻀﺎﻳﻘﻪ ﺧﻠﻴﻚ ﺍﻧﺖ ﺍﻟﺤﺪ ﺍﻟﻠﻲ ﻳﻌﺮﻑ ﻳﺨﺮﺟﻬﺎ ﻣﻦ ﻭﺟﻌﻬﺎ ﻭﻟﻮ ﻋﻠﻲ ﺣﺴﺎﺏ ﻧﻔﺴك ﻭﺍﺣﻀﻨﻬﺎ ﺑﺴﻜﻮﺕ ﻭﻃﺒﻄﺐ ﻋﻠﻴﻬﺎ ﻗﻮﻟﻬﺎ ﻣﺘﺨﺎﻓﻴﺶ ﺍﻧﺎ ﻣﻌﺎﻛﻲ ﻛﻠﻪ ﻫﻴﺒﻘﻲ ﺗﻤﺎﻡ بإذن الله ..
- ﻣﺘﻘﻔﻠﺶ ﺗﻠﻴﻔﻮﻧﻚ ﻣﻬﻤﺎ ﺣﺼﻞ ﻣﺘﺒﻘﺎﺵ waiting
ﻣﺘﺒﻘﺎﺵ waiting
متبقاش waiting
- ﻋرﻓﻬﺎ ﻋﻠﻲ ﻛﻞ ﺻﺤﺎﺑﻚ ﻭأﻫﻠﻚ ﺍربط ﺗﻔﺎﺻﻴﻞ ﻳﻮﻣﻚ
ﻭﺷﻐﻠﻚ ﻭﺣﻴﺎﺗﻚ ﻭﺗﻔﺎﺻﻴﻠﻚ ﻭﺍﺣﻼﻣﻚ ﻭﻓﺮﺣﺘﻚ ﻭﺯﻋﻠﻚ
ﻭﻃﻤﻮﺣﺎﺗﻚ ﺑﻴﻬﺎ..
- ﺷﻴﻞ ﻣﻦ ﻗﺎﻣﻮﺱ ﻋﻼﻗﺘﻚ ﻣﻌﻬﺎ ﻛﻠﻤﺔ ﻓﺮﺍﻕ ﻫﻮ ﻭﻛﻞ ﺍﻟﻄﺮﻕ ﺍﻟﻤﺆﺩﻳﻪ إليه ﻭﺑﻜﺪﺍ ﺗﻜﻮﻥ ﺍﺣﺘﻮﺍﺗﻬﺎ ﻭﺣﻘﻘﺘﻠﻬﺎ ﺍلأﻣﺎﻥ
ﻭﺍﻟﺤﺐ ﻣﺶ ﺑـ ﻛﻼﻡ ﻻ اﻓﻌﺎﻝ علشان أنت من الآخر
" راااااااااجل "وهي اختارتك من وسط كتير.
تعليقات
إرسال تعليق