ست الحبايب... بقلم عطيه عفيفي / وطنى نيوز

بقلم عطيه عفيفي

أمي ياست الحبايب
داالقلب فيكي دايب
عاشقك طول السنين
من حب ومن حنين
.......... .
أنتي اللي ضمتيني
طول عمري وطول سنيني
مهما أقولك ياأمي
صعب أوفيكي حقك
.............
فاكره اللي كان زمان
سهرانه لحد مانام
حامياني من الاحلام
عايشتيني في أمان
.........
ولما اروح الجامعه
الاقي الف دمعه
تصلي الصبح وتدعي
ترجعلي يابني بسلام
............
فاكره سنين الجواز
كنتي تشيليلي همي
تصحي م الصبح بدري
وتربيلي العيال
............
حقك علي ياأمي
مهما أقول وأعيد
اوأوصف حتي وزيد
صعب أوفيكي حقك
............
من بعدك أروح لمين
أشكي مر السنين
يارب احفظ أمي
الكل يقول أمين