كتب جابر عبد التواب
تجديد الرخصة تبدأ السنة الجديدة بـ عدد 50 نقطة وبعد ذلك العداد هيبدأ في العد طول ما حضرتك سايق ويتم أخذ مخالفات عليك؟؟
التحدث بالموبايل أثناء القيادة ولقطك رادار ats اوتم رؤيتك من ضابط أو شرطي المرور يتم خصم نقطة وبذلك ينقص رصيدك من النقاط لدى الدولة ٤٩ نقطة لو بعد ذلك ركنت صف تانى وتم تعليق ورقة علي سيارتك وبناء عليه فقد تم سحب نقطتين من رصيدك
حيث ان المخالفة الأولى ٥٠ جنيه حاليآ هتبدأ غرامتها بنقطه لو عملتها أول مرة والمخالفه التانيه أم ١٠٠ جنيه حاليآ تبدأ غرامتها بنقطتين لو عملتها أول مرة والمخالفه التالتة أم ١٥٠ جنيه حاليآ هتبدأ غرامتها ٣ نقط لو عملتها أول مرة وبعد كدة بتبدأ النقط تتضاعف فى حال إذا ما تم تكرار نفس النوع من المخالفة
وسيظل عداد النقاط شغال عندك بعمل المخالفات حتي انتهاء٥٠ نقطة فى ناس هتخلصهم بعد شهر وفى ناس بعد شهرين وفى ناس بعد عشرة وفيه ناس مش هتخلصهم أصلا وأنت وشطارتك المهم إن أول ما يخلصوا وتتمسك بعدها فى كمين مرور هيتم سحب الرخصة منك لمدة شهر وسوف تقودسيارة مدرسة القيادة بالمرور إجباري لمدرسة القيادة لكي تتعلم قوانين المرور من جديد وبعد انتهاء الشهر يتم عمل إمتحان سواقة
وعند نجاح سيادتك فى الإمتحان ألف مبروك تذهب للخزينة لدفع غرامه ال ٥٠ نقطةالذي تم استهلاكهم وقيمتهم هتبدأ من ٣ آلاف جنيه
بعدها هتقدر تستلم رخصتك وتسوق عربيتك عادى اللى فات ده كله كان فى حالة إنك خلصت كل نقاطك قبل إنتهاء مده السنة
ولكن عندما لا تنتهي من نقاطك هتتحاسب عادى وقت التجديد عند الذهاب لتجديد رخصة عربيتك ولابد من احضار براءة الذمة
ويوجد ببراءة الذمة عدد النقاط اللى أنت أستهلكتها طول السنة ولو مثلآ أستهلكت ٣ نقط فقط طول السنة والثلاث نقط من نفس نوعية المخالفة "مخالفة إعاقه الطريق مثلآ" هتدفع علي ال ٣ مخالفات ٤٥٠ جنيه هتدفع المخالفات
بس بنظام التكرار النقطة الأولى ١٥٠ جنيه والنقطة التانية ٣٠٠ جنيه والنقطه التالتة ٤٥٠ جنيه يبقى المجموع لنفس المخالفات ٩٠٠ جنيه فقط لاغير
ولو حضرتك أستهلكت ٢٠ نقطة وال ٢٠ نقطه لنفس المخالفة ممكن توصل لمبلغ كبير
القانون ينص علي اختفاء ٤ سيارات من الشارع المصري : الميكروباصات اللي عمرها اكبر من ٢٠ سنة وسيارات التاكسي اللي عمرها ٢٠ سنة وعربات النقل المكونة من اكتر من مقطورة وسيارات الأجرة الغير مرخصة اللي مضي عليها اكتر من ٥ سنين
النظام والمرور المحترم و رادارات ats الفرنسيه بتتركب الميكروباصات اللي عمرها اكبر من ٢٠ سنه هتتكهن ، التكاتك هيتم استبدالها بعربات فان بالغاز الطبيعي ، والقانون الجديد هيتطبق عشان يتكامل مع منظومة الطرق العالمية اللي بنملكها انهاردة ، عشان تكون مصر ٢٠٣٠ البلد اللي كلنا بنحلم بيها وتحيا مصر العالمية
تعليقات
إرسال تعليق