بقلم الشاعر/ محمد غبن
شاعر آل غبن
26/7/2020
صوت الضريح بيئن بجريح
مات من كتر ماكان بينادى
إتكاتلوا عليا وأنا فى خدمتى
وعينى سهرانه عليك يا بلادى
وكأن دمى رخيص فى إيدين
مرتزق خبيث لكنى عند ربنا غالى
قتلونى بالحيا بس فوق عند
ربنا شهيد وساكن العالى
إن كانوا سفكوا دمى لكن
الحمد لله موجود لسه ولادى
حالفين يجيب حقى وحق
بلدى حالفين يريحونا م الأعادى
وإن فرضنا كنت شاب
ومإرتبطتش ولا عنديش عيال
ليا قرايب وأخوه ليا ولاد
عمى ليا ولاد أخت ليا إبن خال
حالفين يضحوا بالغالى حالفين
يكونوا وقت الشدائد أجدع رجال
وهم دول ولادك اللى بيعشقوا
فيك ترابك بيعشقوا حبة الرمال
لكن صوت الضريح اللى
أثر فيا وخلى دموعى سالت
بتبكى بس ع الفراق
بتبكى علي روح عايشه و ماتت
لكن بالله عليك ياضريح إوعاك
تئن الشهيد غالى وصوته ف الجنه
قاعد وعايش هناك وروحه
مرتاحه حاسس إن ليه معنى
متوصى عليه فى كتاب ربنا
و نازل من السما السابعه
تعليقات
إرسال تعليق