بقلمى الشاعر/ محمد غبن
14/7/2020
عشقى ليك يا كيانى طيب
ونفسى تكون أحن حبيب
برغم عشقى الكبير بعدت
عنى ومليش فى حبك نصيب
سألت نجوم السما والشمس
وقت شروقها و ساعة المغيب
محدش رد بكلمه يريح فيها
قلبى اللى ناره قايده لهيب
روحت لشيخ العطارين قالى
الحب بطبيعته بيتعب القلوب
وأنت زى إبنى وبنصحك
و على قلبي غالي ومحبوب
إذا كان نصيبك كدا
مفيش منه مفر او هروب
لكن قولى عشقها ازاى معاك
أوعي تكون سايقه فى الدلال
ولا أنت حاسس انك مش فى
قلبها لو غنيت ليها ميت موال
إعرف راسك من رجلك
قبل ماينتهى بيك الحال
وتعيش متعذب بحبها
وعقلك يشوف كتير أهوال
وتعيش ضحيه وتطلع مسنود
علي حيطه هزيله من رمال
تعليقات
إرسال تعليق