بقلم/ محمد غبن
شاعر آل غبن
21/7/2020
الكل فينا كتب عن الحب
والوطن ونسينا أطفال الشوارع
مش كفايه الدنيا قتلت حلمهم
البرئ وفجرهم اللى كان طالع
المفروض يكون بين اهله مش
نقتل حلمه وميبقاش شاب نافع
كلنا مسؤولين وإحنا اللى بفكرنا
قولنا ليه الأمل معدش راجع
مش مهم بالكلام لالا بالإحساس
وبرميته معزول لوحده في الشوارع
والكل يقول انا مالي مش
مسؤول كفايه اللي عايشين معايا
هوا أنا عارف أأكلهم لقمة العيش
او الرغيف اللي بيسموه جرايا
لما أجيب كمان طفل
من الشارع يعيش فى وسطينا
دا إحنا يدوب عايشين
والأكل ع الأد و مش مكفينا
=====================
ياعالم إتقوا ربنا هوا
الرازق وبرزقه هيرزقكم برزقه
مش كفايه رميته فى
الشارع محدش بيعطيلوا لقمته
أو طبطب عليه فى يوم
اوهداه ليه وغسله هدمته
ولا رامين كل حاجه
ع الدوله هى اللى تآخده وترعاه
وتعيشوا فى دور رعايه
أو كفاله وتعيشوا الحياه
طيب الدوله هتعمل لمين
ولمين وإحنا اللى مننا مذنبين
رموا ولادهم حته لحمه فى
الشوارع ومن ساعتها ناكرين
إن كان بإيدينا نرعاهم
يلا نمدلهم العطف والترحاب
يآخد كل واحد فينا طفل
ونعيشه زى باقى الولاد والشباب
حياه طيبه لو فقيره أحسن
مايطلع مجرم ويكسر عليكم الباب
أو يبقي قنبله موقوته تقتل
بإجرام بلا رحمه او خوف من عذاب
اتقوا ربنا وإعرفوا إنه فيه
قيامه وأعمالنا مكتوبه جوا كتاب
تعليقات
إرسال تعليق