بقلم الإعلامي/ يوحنا عزمي
- ارتبطوا بالرجاله اللي بتفهم في الذوق جدا
- اللي مبيحرجهاش قدام الناس عشان يبين رجولتة
- اللي بيمشي علي خطوتها من غير ما يجُرها وراه
وميهمهوش الشارع مكسر ، لابسه كعب ، الرصيف عالي ، او الشوز بتاعتها بتزحلق..
- اللي تلاقية بيفتحلها باب العربيه عشان تركب وبعدين يبقا يلف هو يركب..
- اللي تلاقية بيشدلها الكرسي في كافية او مطعم عشان تقعد وبعدين هو يبقا يقعد..
- اللي دايماً يسألها شبعتي ؟ ، اطلبلك قهوه تاني ؟ اللي شربتية واكلتيه كفاكي اطلبلك حاجه تاني ؟
- اللي بيبقا عايز يجيبلها الدنيا بحالها وهو ماشي معاها
- اللي بيمشيها قدامه في الزحمه وهو بيكون وراها مش هي اللي وراه..
- اللي بيخطيها من علي بركه مايه او طينه مش ينط هو علي الطوب و يعدي و يسيبها هي مش عارفه تعدي و تبهدل نفسها طينه..
- اللي عينه مبتجيش علي واحده تانيه طول ما هو مع حبيبته ،خطيبته ، مراته ، حتي لو كانت عينه زايغه بيحترم وجودها..
- اللي تلاقية بيبوس ايدها بعد هديه قدمتهاله او كلمة حلوه قالتهاله..
- اللي مبيبقاش سايبها واقفه ملطوعه في الشارع بالساعات مستنياه..
- تفاصيل صغيره لكن بتفرق اوي مع اي واحده..
الرجاله اللي بتعامل الانثي كأنثي مش واحد صاحبه خلاص ملهومش وجود ،، فلو ربنا رزقك امسكي في الرزق و خليكي متبته ومتسيبيهوش.
تعليقات
إرسال تعليق