بقلم هند الشيخ
فى زكرى الاربعين
شفت ف منامى
رؤيه زين
شفت صبيه منوره
ومعاها اتنين
واحد ف يده مصحفه
وماشى يرتل ختمتين
وع اليمين ملك ينادى
اقرأ ورتل
بيه رفعناك ف الدارين
وع الشمال
مداح وعاشق للنبى
وقلبه مليان حنين
وخضرة النبى ينده
قرب ياشيخ المداحين
وامدح هنا
مدحك خلانا مشتاقين
وصفين ملايكه مرصوصين
واقفين هناااااااااااااك
قرب الصبى
احلى صبى
ويا النبى
ومعاه م الحور اتنين
وشفت الصبيه بتبتسم
وف ايديها اساور مدهبين
شايله صوانى ف يدها
عليها أصناف النعيم
مكتوب عليها
ولحم طير مما يشتهون
وحور عين
كأمثال اللؤلؤ المكنون
جزاء بما كانو يعملون
تعليقات
إرسال تعليق