بقلم الإعلامي/ يوحنا عزمي
انا كنت مأجل الكلام فى موضوع سرت الجفره لما يجد الجد .. وطالما جد الجد واصبح الموضوع وشيك احب اعرف الاخوه التراكوه فى مصر .. وفى تركيا يعنى ايه معركة سرت الجفره .. ؟؟
هو خط وهمى يبعد عن طرابلس اربعمائه وخمسين كيلو في الصحراء، الكثافه السكانيه تقريبا 1.6 شخص لكل كيلو متر مربع.
يعنى القتال فى هذه المسافه غير اللى بتتفرجوا عليه بقالكم سنين على شاشات التلفزيون ..
واحد بشبشب بصباع والثانى حافى ومشمر رجل البنطلون ومستخبى ورا الحيطه... وواحد تانى بيضرب من شباك اوضة النوم برشاش كلاشنكوف !!!
ياابنى الارض المفتوحه غير المناطق السكنيه فى التكتيك وسرعة التحركات وتعتمد بالأساس على.. القوات الجويه والمدفعيه بعيدة المدى والقصف الصاروخى من البحر .
يعنى خلال نص ساعة او ساعة بالكتير لن تبقى من القوات التركيه المحتشده غرب سرت من المليشيات اللى جايين بالفين دولار ومفكرين اللى بيعملوه بقالهم كام شهر هى دى الحرب لن يتبقى منهم الا شوية صاج محروق واشلاء جثث
قبل ما جندى ليبى يتحرك من مكانه فى سرت لتطهير المنطقه وتطوير الهجوم فى اتجاه طرابلس للقضاء على ماتبقى من المليشيات ومراكز القياده اللى غالبا هتكون على متن طائره مدنيه فى اتجاه انقره ..
انا اول مره اسمع عن قوات هتحارب فى ارض مفتوحه بدون خطوط امداد..!!
ده فكر ناس ماتعرفش حاجه خااااااالص عن الحرب
طيب اسئله بسيطه كده عاوزه اجابه ..؟؟
القوات المحتشده دى فلنفرض انها تحملت الضربه الجوية والقصف الصاروخى وتمهيد المدفعيه ...!
هتستعوض الخسائر ازاى وامتى.. ؟
وهتخلى الجرحى ازاى وامتى.. ؟
وهتمدهم اداريا ازاى وامتى..؟
وانت لا عندك غطاء جوى ولا عندك مدفعية بعيدة المدى ولا عندك خطوط امداد واخلاء..!!
اللى بتعمله تركيا ده عمر ماحد سمع عنه فى اى أكاديمية عسكريه ده راجل باعت قتلى واسرى علشان يتفرموا ويقبض هو ثمنهم من الدويله التى تمول حكومة السراج..!
انت مفكر طيارات الورق المسيره اللى انت باعتها دى هى اللى هتحارب.. ؟؟
ولا الراجمات التركيه لما تخلص الذخيره اللى معاها، فكرت هتمدها بخطوط ذخيره منين..؟
احنا فى حرب اكتوبر 1973 كانت الخطه العبور وانشاء روؤس كبارى بعمق من 8 الى 10 كيلو فقط.. وعدم تطوير الهجوم شرقا لاكتر من 10 كيلو شرق القناه حتى لا نفقد الغطاء الجوى وحائط صواريخ الدفاع الجوى.
انت اصلا عاوز تبدأ حرب مفتوحه فى أرض مفتوحه مع تاسع قوه عسكريه فى العالم بدون غطاء جوى وبدون عناصر للدفاع الجوى .. ده اسمه ايه..؟
تعليقات
إرسال تعليق