الحلم اليتيم .. بقلم الشاعر : محمد غبن / وطنى نيوز

بقلم / محمد غبن
شاعر آل غبن
24/6/2020

ليه الحلم إتولد يتيم
وكان صغير وأسنانه لبنيه
ماتت أمه وعمره عام
من بعدها مشفش حنيه
وليه الدنيا ضربته في المفرمه
وحياته مليانه دمع وآسيه
ولما عوده إشتد سأل اللي حواليه
فين أمي نبع الحب والأمان
=============
إوعى تقلق ياحبيبي هوا إحنا
مش جنبك ومعيشينك الحنان
ماشى مقولتش حاجه بس هي
هتخدنى من إيدى للجنان
أمي روحي و دعاها نور
طريقي زي ماقال رب العنان
صدقونى لو قلتلكم سابت جرح
مايعالجهوش أطبا حتى لو ألمان
وكبرت أكتر وأكتر والحزن
جوايا بس بحاول أتغلب عليه
بدوس ع الجرح واعمل مش
شايف ولو اتكلم بحاول أداديه
يعني نوع م التحايل بحاول
أحيده جايز ربنا يهديه
كل دا و بصنع نفسي من مفيش
فكر مش عارف اخره مقليش
لاء وكمان اللي يتعبك لما تكون
صوره منفوخ فيها الروح
وبتعايش الألم والجراح وتتحايل
عليهم وكأنك مش مجروح
وتكبر وتزيد مشاكلك من جري
على لقمه عيش مخبوزه من النوح
يتوجد كمان ف حياتك ومنك عيل
كإنك في نظره عدوه اللدود
وتعيش معاه صراع من وهوا لسه
صغير لما كبر واشتد عنده العود
كإنك بتتعذب في الحياه تانى
قبل ماتتحاسب قدام ربنا
اعصابك كل يوم بتتعب من
عيشه وشخصيه كإنها مش مننا
وإن جيت تحيده زي الجرح
مش بيساعدك لإن مخه حديد
جاي يكمل الجراح وكأنى فى
دنيتي كنت فرحان قوى وسعيد
بعتبره عقليه عاقه وجزاءها الرجم
زي قدوته إبليس لعنة البشريه
مره نمشى مره نضحك أهى
بتعدي تدريجي والآخر مقضيه