وجعه لفلسطين.. بقلم الشاعر: محمد غبن / وطنى نيوز

بقلم / محمد غبن
شاعر آل غبن
17/6/2020

رسم بلوحاته نبض شعبه
وألآمه والعرب في سكات
حكموا عليه بالإعتقال وصوت
الحق جواه حتي لو كان ممات
والإخوه العرب إجساد مفتحين
العينين لكن للأسف أموات
ولو إن خساره فيهم كلمة
موت ضيعوا شعب وخلوه شتات
إتآمروا مع بنى صهيون
بالخزى وعاشوا هم في الملذات
رسموا دموع تشبه دموع
التماسيح وغراقنين مع الكاسات
نطلع اعلاميا نشجب ونستاء
اهم شئ سلطانا يعلي للسماء
لازم شوية استعطاف نظهر
إننا موجعين والله لوجعكم
وإحنا شايلين دماغنا
من التفكير في قضيتكم
مش هوا دا اللى جرى منكم
انا بحكي اللي جوا ضمايركم
قاعدين تعلو في قصوركم
مش حاسين بشعب بيئن بالجراح
ماتت النخوه جوا قلوبكم
وإنتم شايفين عدد شهدا وأرواح
بتقتل عزم إجساد مفروض
منكم وزيكم وهم أصل العروبه
بلد الأنبياء والأقصى ونفوس
بتحارب معهمش سلاح غير الطوبه
إعطوهم سلاح هم مش
محتاجين مؤتمرات معطوبه
عارفين إن كله خداع وإنتم
حزانه ونفوسكم راضيه ومغلوبه
صدقونى في ظرف ايام بدون
امريكا معدش هيكون إسرائيل
ربنا هيكون معاهم زي ايام
أبرهه وهيرسلهم طير أبابيل
تنهينا منهم جثث وتنتهي
من بني صهيون العويل
وإبقوا وفروا دموع متفبركه
تشبه سواد القلب وضلام الليل
كل التحيه والتقدير للغالى إبن عمى الفنان العالمي الفلسطيني / فتحى غبن