بقلم/ ماريا برسوم
انت محتاج واحده مبدعه تستفزك .. تشيطنك وتمارس عليك سحرها و شعوذتها كل لحظه .. واحده تقولك الاسود ده حلو عليك .. طول دقنك شويه .. تنط زى القرد فى نص الليل
وتقولك تعالى نتمشى .. تعالى نتعشى فى المكان الفلانى اكلهم يجنن .. ندخل الفيلم الفلانى ده جميل جدا" .. طيب جرب ورك الفرخه ده .. طيب اشرب الشاى ده انا عاملاه من ايديا ... حتى فى اهتمامها ملائكيه .. شكلك تعبان فى الشغل انهارده يا حبيبى .. تعالى مين مزعلك بس وتطبطب عليك واحده تشحنك كل يوم علشان تمارس قوتك على الحياه من غير ما تضعف أو يصيبك اليآس .. أصل الهزيمه بتتغلغل جوه الانسان واحده واحده لحد ما يوقع من طوله فى الجوله الاخيرة من غير سابق انذار ... لازم الواحده دى تبقى موجوده فى حياتك علشان تقدر تقاوم و تكمل .. واحده تنتقل ليها كل احاسيس الضعف والقوه جواك من نظره حاجه جميله صغيرة فى حياتك الكئييه الملله العاجزة.
تعليقات
إرسال تعليق