بقلم الشاعر
محمود حسين حنفي
مسكت ورقه وقلم
اكتب رساله غرام
و أول ما بدات
لقيت نفسي حيران
كتبت قصه تانيه
مليانه من الاحزان
ما اقصدش ده غصب عني
ما تزعلش من الكلام
كلام من كثر وجعه
بكيت انا بانهيار
ما بقاش جوانا رحمه
تاهت معنا في الزحمه
في زحمه الحياه
غيرنا مبادئنا
ومشينا في طريق
اسمه مصالحنا
لو نمت يوم و غفلت
ضيعنا ارواحنا
و مشينا في سكه تانيه
مليانه من الظروف
تاخذ معها حياتنا
والعمر كله يروح
ونسينا كمان يا ناس
حتى صلة الرحم
اخو و عم و خال
وامتى هنفتكر
نسينا ان حياتنا
مسيرها يوم هتخلص
و العمر ضاع في ثانيه بحجه الظروف
معلش نسيت اقول لك امسح دمعه عنيك
خلي عندك حنيه ده ربك قلها ليك
والرحمه تكون في قلبك مع كل اللي حواليك
اعمل حساب لبكره دا الخير هينفع ليك
قفلت خلاص القلم
وانا ببكي على اللي راح
وهبدا تاني عمري
وامسح كل الجراح
وهقول يا رب سلم من الدنيا والغرور
يا رب اعيش حياتى ب الفرحه والسرور
و اجيلك يوم مماتي صافي من الذنوب
تعليقات
إرسال تعليق