بقلم / محمد غبن
شاعر آل غبن
23/6/2020
من حقى أعيش إنسان وأعرف
أيه ليا وكمان أيه عليا
وأعيش فى بلدى آمن يعنى
حياتى وأحوالى فى الدنيا
وكلنا متفقين سواء مصرى
او أي جنسيه حتى لو عربيه
إن ماإشتغلتش مش هتآكل ولا
هتلبس ولا هتلاقي شربة الميه
متفقين علي الفكر و أنا أولكم
وابصم بإيدى وبصوابع رجليا
بلاش نجادل او نخدع
بعض بكلام وأعذار وهميه
هوا دا واقع ع الجميع
خلينا نعمل ونرتقى بالعقول
ماتنتظرش حنين عليك
أو لقمه من فتات مسؤول
إحنا اللي لازم نصنع وجود
الكل هيحترمك وتبقى
ليك رأي مش ف البطاقه مفقود
بس اللي مزعلني بعد ماكل
واحد عرف اللي ليه و عليه
لسه المحسوبيه شغاله وبيآخد
حق ومكان غيره احق فيه
ولا اللي بيقتل و يطلع قاصر
علشان قريب فلان بيه
اقربها لسه إمبارح سايقين
إتنين قصر بسرعه جنونيه
دهسوا شابه وماتت وزميلتها
كسر حوض ف المستشفى مرميه
واللي يزعلك طلع عين اهل اللى
ماتت علشان إذن لجل يطلعوها
عقول عقيمه وكمان في
موتها مش عايزين يكرموها
وابن البشوات طلع من قسم
الشرطه وتم إخلاء سبيله
إبن الذوات ازاي يدخل
السجن او مينمش على سريره
الوطن غالي قوي بس بشواته
متفرعنه علي خلقه و فقيره
والورث علي حاكم البلاد
بأعتبره دين لمخلوع قتل قوانينه
بثقافه قتلت عقول قعدت 30
سنه تنخر زي السوس ف جريده
ياريس اعمل تعديل لنصوص
القانون وكفايه موضوع قاصرين
وإرحم نفوس غلابه عايشه
في وسط اباطره بلا رحمه ودين
المذنب بعقابه دى بلد مؤسسات
والمفروض تتعدل بعض القوانين
تعليقات
إرسال تعليق