قانون القتل تحت الحماية .. بقلم: أشرف فتحي / وطنى نيوز

 بقلم: أشرف فتحي

قانون الطفل في زمن بابجي و المهرجانات ... يقتل ويدبح ونقول طفل.... يركب عربية ويجري ويدهس ويقتل ناس ونقول طفل... يخطط ويترتب ويجيب سلاح ويقتل شاب ونقول ده طفل... يركب ماكنة وعمال يجري طاير بيها ويقتل طفلة ونقول ده طفل... وحوادث بالجملة وفي الاخر مفيش عقوبة توازي اللي عملوا ولا إعدام ولا أشغال شقة ولا سجن مشدد علشان هو طفل ومدلع من بابا وماما فعادي يقتل ويدبح ويولع اصلوا طفل يا جماعة معدش في تربية ولا أخلاق ولا ضمير ... ويولع ام الناس اللي ماتت وأهليهم... علشان ولادكم واخواتكم واهاليكم يا ساده ترفيه للطفل الجميل ده ....جرائم بقت ترتكب بأفظع ما يكون تحت حماية القانون.. حسبي الله ونعم الوكيل.
اسمع يا سيدي..!
ما تعريف الطفل في القانون المصرى؟
أصدرت مصر قانون الطفل الخاص بها في عام 1996، بعد توقيع الاتفاقية الدولية لحقوق الطفل عام 1990، وتنص المادة 2 من القانون على الأتى: "يقصد بالطفل في مجال الرعاية المنصوص عليها في هذا القانون كل من لم يتجاوز سنه الثامنة عشرة سنة ميلادية كاملة".
وفيما يخص محاكمة الطفل نصت المادة 122 فقرة 2 على الأتى: "تختص محكمة الطفل دون غيرها بالنظر في أمر الطفل عند اتهامه في إحدى الجرائم أو تعرضه للانحراف، كما تختص بالفصل في الجرائم المنصوص عليها في المواد من 113 إلى 116 والمادة 119 من هذا القانون".
عقوبات الطفل في القانون
تنص المادة 111 من قانون الطفل على:
لا يحكم بالإعدام و لا بالسجن المؤبد و لا بالسجن المشدد على المتهم الذى لم يجاوز سنه الثامنة عشرة ميلادية كاملة وقت ارتكاب الجريمة.
إذا ارتكب الطفل الذي تجاوزت سنه خمس عشرة سنة جريمة عقوبتها الإعدام أو السجن المؤبد أو السجن المشدد يحكم عليه بالسجن، وإذا كانت الجريمة عقوبتها السجن يحكم عليه بالحبس مدة لا تقل عن ثلاثة أشهر.
اللي هيعمل لايك واجب متشكر لحضرتك واللي قلوبهم موجوعة وبتحس بوجع الناس تتفضل تشارك ونبطل كلمة محدش بيسمع ولا حد بيعمل لو سمحت يا سيدي إكسر القاعدة وخدني على قد عقلي و العوض على الله.