بقلم /محمد غبن
شاعر آل غبن
5/6/2020
ليه محسساني إني
طلبت شئ كبير أو مستحيل
ليه بتقتلي فرحه جوايا
بعد ما قلبى لقاك ياجميل
ليه بتخلينى أرجع من
تانى اشيل حمل تقيل
وارجع أحس بنهارى
زى ماكان قدامي ليل
و معاه وجع يلازمني يهد
جوايا وأحس إني عليل
ماشى بتخبط فى حيطان الزمن
ترد مش قولتلك و قلبي دليل
علشان تعيش قوي
فرحان وعامل فيها حبيب
مدت إيديها ليك الوقتى
ولا حد حس بيك أو منك قريب
أنت مستعجلتش ولا حاجه
واضح قلبها لحبك مش مجيب
مع العلم إنك طيب وهتخاف
فيها ربنا بس ممكن يكون نصيب
هي والله أعلم مش حاسه بيك
برغم إنك هتموت عليها وبتحبها
ونفسك تملى الدنيا عليك
مصدقك من غير ماتحلف ضى
النهار هيصحيك وتفتح عينيك
ياااااه كل دي مشاعر جواك دا
أنت بتحبها ولا ليلى ولا المجنون
إوعاك تسبق الأحداث جايز تفكر
تاني فيك وربك مخيب الظنون
تعليقات
إرسال تعليق