بقلم الشاعر/محمود حسين حنفي
لف الدنيا وشوف
واكشف كل الوشوش
وأتعلم من نفوس
مش كل الدنيا فلوس
لف وأتعلم
من غير ما تتالم
في وشوش كثيره مرسومه
مش اصلي ده كله صوره
وشوش كثير مكسوره
مش واضح اكيد في الصوره
في وشوش بتضحك
ضحكة غرور
بس من جواه مكسور
وضحكه ثانيه
مش صافيه لثانيه
وضحكه غاليه
بالحب باينه
و وشوش بتبكي
على دنيا فانيه
بتضيع حياته
في كل ثانيه
نفسه الحياه تضحك له ثانيه
و وشوش حيرانه
بالظلم مليانه
ما شافش رحمه
ضاعت في الزحمه
وفي وشي ثاني
من الحيره تايها
ليبيع ضميره
ليضيع مصيره
واخر الحكايه لفينا كتير
خليته الدمعه دائما تسيل
كفايه لفه علشان تعبنا
من اللي شفناه في عمرنا
اتعلمت خلاص من الدرس
ولا اقول لك افهم ثاني وهكذا
تعليقات
إرسال تعليق