أحمي مناعتك الحلقة رقم ( ١ ) بقلم : ايهاب ابو العنين /وطنى نيوز

  بقلم / ايهاب ابو العنين

مناعتك الداخلية ، هي أكتر حد في الدنيا بيدافع عنك ، مناعتك الداخلية بتحارب علشان تبقي كويس ومتتعرضش لأي أذي ، وبتخوض معارك كتير جدا ، وأنت مش داري ولا عارف هي بتعمل لك أية ، والخيبة كمان أنك مقصر معاها في كل شئ ، حتي مش بتديها المكملات الغذائية المطلوبة والصحية ، لا وكمان كل شوية بتصدر لها طاقة سلبية ، و طبعا في علاقة عكسية ، بين الطاقة السلبية والمناعة ، وركز بقي معايا في اللي جاي واللي حأشرحه في مقالات تانية ، كل ما طاقتك السلبية زادت ، مناعتك بقت ضعيفة وكل ما زادت طاقتك الإيجابية والنفسية بقت كويسة ، مناعتك حتبقي زي الفل وعلشان أنا مش طبيب بشري فأنا حأركز معاكم علي أكتساب طاقات إيجابية نرفع بيها مناعتنا ، أه وبالحق الغرض من الكلام دة كله لأني شايف مصاصي الطاقة ومصدري الطاقة السلبية بقوا منتشرين جدا اليومين دول ، وطبعا كلنا عارفين الأزمة اللي عندنا بخصوص كورونا ، فنصحتي للكل أننا نهدي علي نفسنا كدة ، ونأخد بالأسباب ، ونفكر بالعقل مش بالعاطفة علشان أحنا في مرحلة فلة شمعة منورة وكله هايص مع الهيصة .
..................................................................
الخلاصة :
١- في فرق بين إدارة ( المشكلة والأزمة والكارثة ) .
٢-وصية رسول الله " فليسعك بيتك وأمسك عليك لسانك وأبك على خطيئتك " .
٣- تحلي بالشجاعة ، كن قويا فالله يحب الأقوياء .
٤- لا تضع أذنيك لكل ما يقال ، لا تضع أذنيك خلف أقدام الأخرين ، فلن تسمع إلا دبيبا .
٥- لا تنشر خبرا ، لا تعرف مصدره .
٦- ثق بأن الله منجيك فلا تقلق .
٧- وما هذا الوباء إلا كمثل كافة الأوبئة السابقة ، أتت ورحلت .
٨- يا من تصرخ ، وتهلل ، صل علي رسول الله أفضل لك .
٩- إن بعد العسر يسرا .
١٠- قف مع نفسك للحظة ، وتذكر قدرة الله ، الأن هل مازلت خائف من المرض ؟