عايز أختارك زوجه لإبنى
بس ياريتك بجد تعوضيه
إبنى يتيم من صغره عيشى
جوا فى قلبه وتملى تراضيه
والبنت الواعيه ساعة تكوينها
لبيت تضلل عليه وبحنانها تعليه
شويه الحياه هتمشي بينكم مش
هتقف بس أهم شئ تكونى أيه
بالنسبه ليه مخلص وعيني
كانت عليه و ع الأدب مربيه
بس زي ماقولتلك كوني
كل شيء في الحياه وحبيه
هسمع كلامك وهحط في
عيني وأتكحل وربنا يخليه
متنساش تقوله خليني أكتر
بعينه وهبقي كل شيء بحياته
هشاركه فى كل حاجه زي
ماقولتلي روحه قلبه و دقاته
بس أمانه ياعمى تقوله
إوعاه نعيش لحظات مشاكل
ياما اصحاب بيوت عايشه
ومتحمله كتير وقلبها شايل
خليه في اي قرار يحكم فيه
بشرع الله وضميره يكون عادل
إحنا مش ملايكه وياما
هنشوف اهم شيء يبقى عاقل
تكوين البيوت مش سهل وأنا
بيني وبينه ربنا وهيبقي شايف
إطمن بس ياعمي واوعي
مني قلبك يكون خايف
حاول تعرفه دي طلباتى خليها
تذكره منك علشان يبقي عارف
وكلامك علي رآسي قبل مايكون
في عيني ياقلب مليان خير
أمانه بس عليك تدعيلنا فى
صلاتك انت عند ربنا ليك تقدير
تعليقات
إرسال تعليق