بقلم / يوحنا عزمي
مع بدايه أي علاقه حب بندور على اللي يعجبنا بس مبندورش ع الي يريحنا..
باختصار جدا بنخش علاقات بدون منفهم اي مدي العلاقه وهل هتكمل ولا لاء..
الكلام ف الاول بيكون سهل جدا للراجل انه هيعمل ويعمل بس في الاخر الطبيعه بتفرض حاجات علينا مبنكنش فهمينها او بالاصح مبنكنش لمسنها كويس..
فبنحب !!
ويبدأ من هنا الحقيقه تظهر جدا التحكمات الخنيقه الي ممكن تدمر اي علاقه !!
لا متنزليش مع صحابك
لا متكلميش قرايبك الولاد
لا مفيش حضور افراح
لا متنزليش قبل محاضراتك أو دروسك قبل المعاد الا بخمس دقايق..
لا متروحيش لصحابك خليهم يجولك
مقدر خوفك بس مش بالطريقه دي خالص !
البنت اكتر كلمه ممكن تديقها لا !
يبدأ من هنا تتخنق وعلشان بتحبك مش بتحب تزعلك وتقول حاضر..
بس المشكله ان كل واحد فينا ليه طاقه فتبتدي الطاقه دي تنتهي فتبدأ تنزل من وراك وتعمل حاجه وهي زعلانه انها مش بتقولك بس للاسف عارفه انك مش هتوافق وياما تعرف وتزعل منها ياما تبعدوا عن بعض..
وده ليه من الاول علشان أنت لغيت شخصيتها عاوزها تقول حاضر بدون نقاش بدون ماتسمعها بدون متحاول تحتوي ده !
يا جماعه اتعاملوا عادي بلاش فرض أوامر بلاش عصبية زيادة..
اكسبوهم براحه بدون متقفلوا عليهم لحد ميتخنقوا وترجعوا تزعلوا وتقولوا ليه عملوا كده..
خلاصه الكلام..!!
زي محضرتك ليك شخصية هي كمان عندها شخصيه
وانا وأنت واي راجل عارفين لو هي قالتلك لا علي حاجه انت هتقول انك راجل واعمل اللي عاوزه فياريت زي مبتحب تعمل سيبها تعمل الي يعجبها ولو حسيت عليها بخطر فهمها بدون متتنرفز وتقول لا وخلاص.
تعليقات
إرسال تعليق