بقلم الشاعر محمود حسين حنفي
يا ابني يا ضي عيني
مين بعدك هيدا ويني
يا ابني يا ابني
الدمعه ماليا عيني
من الحزن عليك ياعيني
يا ابني يا ابني
كنت امل حياتي
والجاي واللي اتي
كنت منور سنيني
يا ابني يا ضي عيني
يا ابني يا ابني
كل ما تجرى حواليا
بتهز الارضي بيا
من الفرحه اللي ف عينيا
دي الدنيا طايره بيا
يا ابني يا ابني
خبيتك جوه حضني
خايف دقيقه تفوتني
من غير ما املي عيني
منك ياضي يا عيني
يا ابني يا ابني
خفت عليك من الوباء
وكمان من اي داء
ما اعرفش ان الوفاء
عاجل ساعه الفراق
يا ابني يا ابني
حرقه قلبي عليك
خلصت نظره عينيك
يا ابني يا ضي عيني
مين بعدك هيدا ويني
يا ابني يا ابني
فراقك عني يا ابني
سكينه جوه قلبي
ما فيش في الدنيا بعدك
يعوض نظره منك
يا ابني يا ابني
بعدك بقت رساله
للناس كلها
هقولها و جوه مني
الجرح منها
ولادك دول امانه
حافظ عليهم بقاءه
ومن وباء أحميهم
جوه حضنك خبيهم
رساله باقولها ليك
سلامتهم بين يديك
سلامتهم بين يديك
سلامتهم بين يديك
تعليقات
إرسال تعليق