بقلم / محمد غبن
شاعر آل غبن
14/6/2020
يابحر طلعت غريق كنا
نازلين نتعلم فيك العوم
إحنا يدوب علي قدنا والموج
غدار ملهش عتاب ولا لوم
كنا المفروض ننزل علي أول
الشط بلاش نسرح قوي ف الميه
موجك بيعلي معندوش غالى وإن
غضب يغرق الناس ويبقوا ضحيه
ليه يابحر بتعمل كدا فينا
فاكر زمان كنا بنيجي نشكيلك
ع الوجع اللى بيطير نوم عينينا
أهوا بنرتاح وقتها كنا بنحس
إنك كبيرنا وبتخاف بجد علينا
وإن كان فيه سوء سلوك
من ناس بلاش غضبك يأذينا
يقتل روح الأمل ويبدلها بألم
ويسكن الوجع ويعشش ف الضلوع
بصراحه الأمور مش متحمله من
قبل ماقولك وموجك بكانا الدموع
أرواحنا كانت فى لحظه هتصعد
لفوق ومعدش بعدها رجوع
أيه مانبهتش على ولادك إننا
بنيجي هنا علي حسك
إعتبرنا ياسيدى زيهم ولا لازم
نكون مكتوبين فى البطاقه بإسمك
تعليقات
إرسال تعليق