بقلم الشاعر / محمد غبن
شاعر آل غبن
4/6/2020
هفضل اكتب لو أذن
لى ربنا إنى أعيش
هكتب ياقلم جايز تكون
مسكن ألم لجراح مبتنتهيش
أكتب عن إنسان ضحيه فى
دنياه لقلوب مش عايزاه يعيش
ولو فكر إنه يعيش تبقى
اللقمه متغمسه من شقاه مرار
أهو عايش بيمسح حزن ساكن
البدن ومفيش قدامه فرار
مغصوب بيسد رمقه بأي لقمه فيه
حياه لناس وراه عايزه تعيش
أيه ذنبهم يتوجدوا فى دنيا
ابسط حقوقهم فيها مفيش
ظلمه بتدوس على غلابه
بتسبب فى نفوسهم أنين
تعيش أومتعيشي متفرقش
مع ناس متحكمه متغطرسين
محقونين جوا أكابدهم بعدم
الرحمه للضعاف و المساكين
وفيه ناس بتعمل خير وتجاره مع
الله بتعطف ع الغلابه بس قليلين
وفيه ناس زي اللي عايشين معانا
الوقتي صنعوا فيروس وباء
شوية كفره ملهش مله
قلوبهم ساكنها حقد و غباء
دول شياطين وصدروا بلاء
يقتل عدد معين م البشر يتوغلوا
ويتحكموا فى اقتصاد و دواء
يصنعوا كمان اسلحه نقتل بيها
بعض ويزرعوا في وسطنا إرهاب
يظهروا قدامنا زعلانين م الفيروس
بشر لا ليهم دين ولا عليهم عتاب
عرفت ياقلم لازم أكتب وأكتب
ومحاولش أعرف إستسلام
يمكن دويك ف يوم يبقي صرخة
أمل لكل مجروح عايش على أحلام
وهي ايه احلامه غير كل ظالم
مغتصب ميحرقش الزيتون
ويقتل بغدره اسراب الحمام
يعيش الصغير في مأمنه ميصحاش
مفزوع م الرصاص ويجرى ف ضلام
تعليقات
إرسال تعليق