إحنا مين علشان تقتولونا
انا وزمايلي غدر في كمين
عايزوا تسلوبنا الحياه أوامر
أسيادكم وبتنفذوها ياشياطين
ياما نهشتوا في كبد الوطن
عايزين تخلوه هيكل علي عضامه
موتوا بغيظكم ربنا اللي
حاميه وهيعوضوا بأعلى مكانه
و بقينا أول اهدافكم
قتل وتفخيخ وخسه ونداله
طيب ليه إحنا حراس لوطن
تعب كتير وكل يوم بيفقد شبابه
إحنا مش زعلانين إننا متنا
احنا عند ربنا وصبحنا في السما
وملايكته واقف تستنانا
بحفاوه طيبه اهلا ياميت مرحبا
الله عليكم أنتم صبحتوا
معانا وهتعيشوا ف أحلى منزله
اوعاكوا تشيلوا الهم انتم
هتنعموا بدرجة العليين
هنخدموكم بنفسنا وهنجوزكم
بجميلات حور العين
لإنكم ضحيتوا بالغالي وبحياتكم
واخدين أوامر من ربنا نستقبلكم
علشان منزلتكم اللي موصى
سبحانه عليها ف القرآن
جيتم عندنا وصبحتم
عايشين وهتنعموا بالخير والأمان
رب الخلايق حنين مرضاش
بالغدر وعوضنا عنه بالإحسان
إطمنوا ياأهالينا إحنا في معية
ربنا وملابكته منوره لينا المكان
أما جذور الخيانه اللي عندكم
جى حسابها من ربنا بس بآوان
تعليقات
إرسال تعليق