المحبه والسلام بقلم .. محمد غبن / وطنى نيوز

بقلم / محمد غبن
شاعر آل غبن
21/5/2020

  المحبه والسلام
نفسي تعيش الحكومات
بجد روح المحبه والسلام
تقتل من جواها الضغينه
والحقد وتدوس ع الخصام
لجل تعيش النفوس راضيه
والخير يبقي موجود كمان
عجلة الحياه هتدور مش
لازم تبقي عبيد للشيطان
صدقونى هوا سبب المصايب
والخراب اللي حصل للبلاد
عنده إستعداد يفرق بين
الأم ووليدها ساعة الميلاد
إتسبب في دمار شعوب والنتيجة
خراب وأماكن صبحت رماد
تعالوا نتصافح بجد خلوا
الخير يرجع وتتهني بيه العباد
وإن كان علي السلاح اللي
صنعتوه علشان نقتل بيه بعض
خلوه إحتياطي إنتم مش مديونين
في صناعته أو جايبينه بقرض
خليوكم رعاة سلام ربنا فى
السما شايف أفعالكم في الأرض
إرجعوا لربنا شويه و زى
مافرقتونا حاولوا ترجعونا لبعض
لغة المحبه جميله وكل
الأديان بتحبها وموصيه بالسلام
سواء مسيحيه او مسلمه أو
يهوديه بتنادي بنبذ العنف والخصام
يلا نرجع لبعض خلي الكون
يفرح ويطير على بلادنا الحمام