درس وإتعلمته بقلم .. محمد غبن / وطنى نيوز

بقلم / محمد غبن

كنت فرحانه وجايه
علشان أصارحك بحبى
بجرى ومستعجله الطريق
مشوقه ليك يا مالك قلبي
فجأه لقيتك قابلتني
بفتور ومكنش دا ظنى
إحنا بينا حب كنت مفكره
إنه هيعيش معانا أبدي
فجأه قلبت الموازين وقتها
خلتني ألعن طريقي ودربى
حسيت كإني شئ زعلك
اول ماشوفته كإنى حمل تقيل
كل دا إتغير مابين ساعات
وكإن كلامك كان مدهون بالليل
طلعت عليه الشمس
وداب مع طلوع النهار
وأنت اللي كنت بتكلمني
وتبعت المراسيل وتكتب الأشعار
كنت إتكسف عندنا عيبه
اصل ربونا علي كدا واحنا صغار
وفجأه لما حسيت بقلبي دق
حبيت افرحك لكن طلعت خايبه
فكرتك مخلص زي ماكان واضح
في كلامك متطلعش منك العايبه
ع العموم بشكرك ع الدرس
اللي إتعلمته من رفضك فيه ليا
وأتمنالك الخير بس واضح
محبتنيش وكنت بتتسلي بيا
صفحتك عموما طواها الزمن
انا بس زعلانه من نفسي وعليا
بس أوعدك خلاص الحمد لله
إن ربنا كشفك قدام عينينا
اوعدك هعيش الحياه وهتعلم
اعامل كل اللي حواليا
و دموعي لو نزلت مش عشانك
دموع حزن على سقوط الآدميه