مشروع شهيد الجزء الأول بقلم عطيه عفيفى / وطنى نيوز

للشاعر /عطيه عفيفى

أول ماأخد الثانويه
فرح وجرى عالحربيه
وقال خلاص حلمى تحقق
فاضل عليه بس شويه
أربع سنين هايعدوا أوام
وهابقى واحد م الشجعان
يارب أوينى واعدى
أربع سنين واوعى تهدى
وهابقى ضابط حربيه
عاشق تراب مصر وطنى
قالولى خدت الكليه
وحلم حياتى بقى ف ايدى
يارب تمم لى جميلك
أروح على سيناء وطهر بلدى
وبقيت خلاص على اعتابها
ودخلت الصاعقه ويارجالها
كنت بسمع عالإرهاب
شفنا منه سنين وعذاب
حلمى كان أقضى عليهم
وأعيش لناسى واحميهم
جت لى أول عمليه
صليت لربى ودعيتله
يارب أوينا عليهم
ونقضى عالكفر وجهله
أنا وزمايلى وحوش بريه
عاهدنا ربى إنى احنا نسانده
فى الدفاع عن دينه
وعن الشهيد هو وأهله
وكل يوم قرب الحدود
يدخل إرهاب مالوش حدود
على مين ياللى مش فاهمين
دامصر عفيه حافظه العهد والدين
فضلنا متعاهدين مانسيب حفنة تراب
عليها واحد م الإرهاب
وإن مات شهيد فى ألف شهيد
يرووا بدماءهم أرضها ويسحقوا الإرهاب
والله ماهانسيبكم يوم تعيشوا مرتاحين
هانفضل وراكم لوحتى شهور وسنين
وإن مت أنا فى غيرى كتير جايين
دى مصر ولاده وجنودها مش ناسيين
يجيبوا حق الشهيد
ويبيدوا الأرهاب والمتطرفين