أهم النصائح بعد ٤ سنوات جواز / وطنى نيوز

بقلم / يوحنا عزمي

١- الجواز ممكن يكون بداية و ممكن يكون نهاية انت اللى بتختار.
٢- الجواز مدرسة كل سنة بنتعلم فيها حاجه جديدة.
٣- الجواز بينجح بيكم انتوا الاتنين و بيفشل برضه بيكم انتوا الاتنين.
٤- فى الجواز بنتعلم لغه جديدة هي لغه "احنا" و بننسى لغة "أنا".
٥- "الجواز حلو" حتى لو اصحابك اتريقوا عليك.
٦- الخناقات عادى، الصحاب بيتخانقوا برضه، ولا ايه؟
٧- الجواز حلو فعلاً، احلى من قاعدة القهوك والبلاى ستاشن.
٨- الصاحب الجدع هو اللى يبدا بالصلح.
٩- حوشوا و سافروا هتعرفوا بعض اكتر.
١٠- الراجل الحنين رزق، والست الجدعة بركة للبيت.
١١- رجولتك مش هتنقص حاجه لما تقول انا غلطان،انتى صح، فكرتك احلى من فكرتى، كلنا بنغلط مفيش حد صح على طول.
١٢- لو شايف نفسك صح على طول متتجوزش.
١٣- احنا كائنات مميزة عن غيرها بنعمة "الكلام".
١٤- كلنا بنتعب فى يومنا، بس ده ميمنعش لما نروح نتكلم سوا بلاش فقرة انا تعبان و عايز انام دى كل يوم.
١٥- التفاهم جميل لازم يكون بينكم لغه الحوار ونحترمها.
١٦- الصراحة اقصر طريق، خليك فاكر مفيش حاجة بتستخبى.
١٧- لو وصلت للنقطة دى احب اشجعك و اقولك "الجواز حلو"
١٨- مراتك / جوزك اهم حد فى حياتك.
١٩- اسال مراتك كل شوية نفسها في ايه وحاول تعملهولها.
٢٠- املوا البيت ضحك و فرح وكلام حلو، صحتكم هتتحسن و عمركم هيطول.
٢١- متنمش ليلة وانت متخانق مع مراتك..
لان الراجل الذي يترك الدموع تبات في عيون انثاه هو لا يستحق ان يبات ليله واحده في قلبها.