بقلم / محمود حسين حنفي
عايش حلاوة روح
طول عمري وانا مجروح
حياتي كلها احزان
مليانه كتير حرمان
حياه كلها اوهام
حكايات ولا في الاحلام
هاحكي اول حكايه
ياريت كم تسمعو
من غير ما تدمعو
حلمت حلم زمان
من اجمل الاحلام
وصحيت من المنام
لقيت عيني بتبكي
من قسوه الحرمان
كان حلم شوقي لامي
والرحمه والحنان
كنت معها في بستان
وانا حاسس بالامان
كان اخر يوم حنان
روحنا البيت ونمت
على كلمه منها قالت
سلام يا حته مني
اشوفك بالسلامه
صحيت من نومي بجري
علي صراخ من حولها
قالوا لي امك خلاص راحت لربها
والحلم الثاني برده
مليان حزن ووجع
هاقول لك وافهم مني
ما اقصدش تتوجع
كان ليا زمان صديق
وصلت معه لطريق
اخر وفاه وجدعه
ما كنتش اعرف اني بسببه هتوجع
حكيت له على اللي في قلبي لواحده بحبها
قلت يمكن يفيدني و اوصل لقلبها
اتاريني كنت باحكي وهو يقول لها
على كل كلمه طلعت من قلبي في حبها
ما بقتش احكي معاه على حاجه تخصها
بالصدفه ماشي وشفته وهو جنبها
وقفت وانا حزين بافكر اروح لهم
قلت في بالي خلاص سيبهم لبعضهم
صحيت من نومي بابكي
على اللي راح من عمري
وده حلم بسيط حكيته
من روايه احلامي
عرفت ساعتها اني
عايش حلاوة روح
تعليقات
إرسال تعليق