بقلم/ محمود حسين حنفي
اوصيك يا ولدى من بداية يومك
قبل ما تنزل للعمل عقم هدومك
عقم ايديك واللي باين من ملامحك
اوعاك يا ولدي ف يوم تشمت في حد جرحك
عقمت جسمك بس باقي لسه لسانك
ممكن بكلمه تجرح حد من غير ما تشعر
احفظ لسانك وخلي بالك من كلامك
شعور الناس يا ولدي اكبر شيء حقيقي
حتى شوف الاستجابه في ظروف زمن الاباء
بس الافاده من الظروف انك عرفت اننا كلنا واحد
وقت الشدايد والحروب بنبقى واحد
مسلم مسيحي اخوات وشعب واحد
ما هو اللي خلق العباد ما هو رب واحد
اوصيك يا ولدى تخلي بالك لحسن يصيبك الوباء
وخلي بالك ان الوباء ده ابتلاء
عشان كلنا نقرب من رب العباد
وندعي له وصوتنا واحد
يا رب ارفع عنا البلاء ونجينا من الوباء
واحفظ اولادنا وارضنا
طهر قلوبنا كلنا
تبنا اليك يا ربنا
اقبل دعاءنا يا رحمن
اللهم اجعل هذا البلد امنا
واجعل فيها خير لنا
اللهم امين يا رب العالمين
تعليقات
إرسال تعليق